MSME లోన్ ఎలా అప్లై చేయాలి (how to apply for msme loan in telugu)
ఉదయాన్నే టౌనులోని ఒక పెద్ద బ్యాంక్ బ్రాంచ్ బయట చేతిలో దళసరి ప్లాస్టిక్ ఫైలు పట్టుకుని, లోపలికి వెళ్లాలో వద్దో అని ఆలోచిస్తూ నిలబడే చిన్న వ్యాపారవేత్తల కథ మన ఊళ్లలో రోజూ చూసేదే. షాపులో కొత్త సరుకు వేసి బిజినెస్ పెంచాలన్నా, చిన్న సైజు ఫ్యాక్టరీలో కొత్త మిషన్ ఇన్స్టాల్ చేయాలన్నా చేతిలో సరిపడా క్యాష్ ఉండదు. అలాంటప్పుడే అందరి చూపు బిజినెస్ రుణం వైపు వెళ్తుంది. అయితే, బ్యాంక్ గేటు దాటగానే కాగితాల యుద్ధం మొదలవుతుంది. ఏ చిన్న పేపర్ తక్కువైనా బ్యాంకర్లు మళ్లీ రేపు రమ్మని తిప్పి పంపుతారు. అసలు సరైన పద్ధతిలో MSME లోన్ ఎలా అప్లై చేయాలి అనేది పూర్తి వివరంగా తెలుసుకుంటే ఈ కాగితాల యుద్ధాన్ని చాలా సులభంగా జయించవచ్చు.
బ్యాంకుకు వెళ్లే ముందు మీ బిజినెస్ అర్హతలను ఒక్కసారి చెక్ చేసుకోవడం మంచిది. మీ వ్యాపారం కనీసం ఒకటి నుండి మూడు సంవత్సరాల పాటు నిరంతరంగా నడుస్తూ ఉండాలి. ప్రతి నెల జరిగే లావాదేవీలు సొంత పేరు మీద కాకుండా బ్యాంక్ కరెంట్ అకౌంట్ ద్వారానే జరగడం వల్ల మంచి క్రెడిట్ హిస్టరీ ఏర్పడుతుంది. దాంతో పాటు మీ సిబిల్ స్కోర్ 700 కన్నా ఎక్కువగా ఉంటే బ్యాంక్ మేనేజర్ వెంటనే సానుకూలంగా స్పందిస్తారు. గత రెండేళ్ల ఐటిఆర్ (ITR) ఫైలింగ్స్ పక్కాగా ఉంటే లోన్ ఆమోదం పొందడం చాలా వేగంగా పూర్తవుతుంది. వివరాలు సరిగ్గా లేకపోతే ప్రాసెస్ సగం లోనే ఆగిపోయి పిచ్చెక్కటం ఖాయం.
అసలు MSME లోన్ ఎలా అప్లై చేయాలి? (How to Apply Guide)
వ్యాపారాన్ని నెక్స్ట్ లెవెల్కి తీసుకెళ్లడానికి ప్రభుత్వం మరియు బ్యాంకులు చాలా రకాల రుణ అవకాశాలను అందిస్తున్నాయి. పూర్వంలాగా ప్రతి చిన్న పని కోసం బ్యాంకుల చుట్టూ కాళ్లు అరిగేలా తిరగాల్సిన అవసరం ఇప్పుడు లేదు బ్రో. డిజిటల్ పద్ధతి అందుబాటులోకి వచ్చాక ఆన్లైన్ MSME లోన్ అప్లై విధానం చాలా సులభంగా మారిపోయింది. కేంద్ర ప్రభుత్వం ప్రత్యేకంగా తీసుకొచ్చిన జన్ సమర్థ్ (JanSamarth) లేదా 59 మినిట్స్ లోన్ పోర్టల్స్ ద్వారా ఇంట్లోనే కూర్చుని ఆన్లైన్లో వివరాలు నమోదు చేసుకోవచ్చు.
మీ వ్యాపార పరిమాణం బట్టి, మీ ప్లాన్ బట్టి సరిపడే MSME లోన్ అప్లికేషన్ ప్రాసెస్ ప్రారంభించాలి. ఆన్లైన్ ద్వారా అప్లై చేస్తే ఏ బ్యాంక్ తక్కువ వడ్డీ ఆఫర్ చేస్తోంది, ఏ బ్యాంక్లో ప్రాసెసింగ్ ఫీజు తక్కువ ఉందో స్పష్టంగా పోల్చి చూసుకోవచ్చు. దరఖాస్తు చేసే సమయంలో ఏ చిన్న తప్పు జరిగినా ప్రాసెస్ ఆగిపోయే ప్రమాదం ఉంది. అందుకే అసలు సరిగ్గా MSME లోన్ ఎలా అప్లై చేయాలి అని ప్రాసెస్ పరంగా పూర్తి వివరాలు తెలుసుకోవడం ప్రాథమిక అవసరం.
Udyam రిజిస్ట్రేషన్ లోన్ కోసం ప్రొఫైల్ ఎలా క్రియేట్ చేయాలి?
ప్రభుత్వ పథకాల ద్వారా లేదా బ్యాంకుల ద్వారా రుణం పొందడానికి ప్రాథమిక గుర్తింపు ఉద్యమ్ సర్టిఫికేట్. మీ బిజినెస్ అధికారికంగా ఉనికిలో ఉందని చెప్పడానికి ఇదొక లీగల్ గుర్తింపు కార్డులా పనిచేస్తుంది. Udyam రిజిస్ట్రేషన్ లోన్ అందుకోవడానికి ముందుగా మీరు ప్రభుత్వ ఉద్యమ్ పోర్టల్లో ఉచితంగా ప్రొఫైల్ క్రియేట్ చేసుకోవాలి. దీనికి ఎటువంటి ఏజెంట్లకు డబ్బులు ఇవ్వాల్సిన అవసరం లేకుండా ఆన్లైన్లోనే ప్రక్రియ పూర్తవుతుంది.
మీ ఆధార్ కార్డ్ నంబర్, పాన్ కార్డ్ వివరాలు, మరియు బ్యాంక్ అకౌంట్ సమాచారం ఎంటర్ చేస్తే నిమిషాల్లో మీకు ఉద్యమ్ రిజిస్ట్రేషన్ నంబర్ మరియు సర్టిఫికేట్ లభిస్తాయి. ఈ డిజిటల్ ప్రొఫైల్ ద్వారా Udyam రిజిస్ట్రేషన్ లోన్ అప్రూవల్ ప్రాసెస్ మరింత వేగవంతం అవుతుంది. బ్యాంకు మేనేజర్ కూడా మీ బిజినెస్ లీగల్గా ఉందో లేదో చూడటానికి ముందుగా ఈ పేపర్నే అడుగుతారు. కాబట్టి MSME లోన్ ఎలా అప్లై చేయాలి అని ప్లాన్ చేస్తుంటే మొదటి పనిగా ఉద్యమ్ రిజిస్ట్రేషన్ పూర్తి చేయడం చాలా ముఖ్యం.
| స్టెప్ (Step) | ఆన్లైన్ పోర్టల్ చర్య (Online Portal Action) | సమయం (Time Frame) | చేయాల్సిన పని (Action Item) |
|---|---|---|---|
| స్టెప్ 1 | Udyam Portal నమోదు | 10 నిమిషాలు | ఆధార్ మరియు పాన్ నంబర్ ద్వారా Udyam Certificate పొందుట. |
| స్టెప్ 2 | JanSamarth / PSB Portal లో రిజిస్ట్రేషన్ | 20 నిమిషాలు | మొబైల్ నంబర్ మరియు ఈమెయిల్ తో అకౌంట్ క్రియేట్ చేసుకోవడం. |
| స్టెప్ 3 | డాక్యుమెంట్ల అప్లోడ్ | 15 నిమిషాలు | బ్యాంక్ స్టేట్మెంట్లు, ITR కాపీలు PDF రూపంలో అప్లోడ్ చేయడం. |
| స్టెప్ 4 | బ్యాంక్ ఎంపిక & ఇన్-ప్రిన్సిపల్ అప్రూవల్ | 15 నిమిషాలు | తక్కువ వడ్డీ ఉన్న బ్యాంక్ను ఎంచుకుని ఆన్లైన్ అప్రూవల్ లెటర్ పొందడం. |
మీరు దగ్గర పెట్టుకోవాల్సిన ముఖ్యమైన MSME లోన్ డాక్యుమెంట్లు
బ్యాంకర్ దగ్గరకు వెళ్లేటప్పుడు కాగితాల విషయంలో అస్సలు నిర్లక్ష్యం వహించకూడదు. అన్ని కాగితాలు పక్కాగా సీక్వెన్స్లో సిద్ధం చేసుకుని వెళ్లకపోతే బ్యాంక్ మేనేజర్ మీ అప్లికేషన్ను సీరియస్గా తీసుకోరు.
పేపర్లు కంప్లీట్ లేకపోతే బ్యాంక్ మేనేజర్ మొహం మీద నో చెప్తాడు. ఫస్ట్ ఇంప్రెషన్ పోతే మళ్ళీ లోన్ రావడం కష్టం.
అప్లై చేయడానికి ముందు మీ ఫైల్లో సిద్ధంగా ఉండాల్సిన ముఖ్యమైన MSME లోన్ డాక్యుమెంట్లు ఇవే:
- యజమాని లేదా పార్టనర్ల పాన్ కార్డ్ మరియు ఆధార్ కార్డ్ ఒరిజినల్ మరియు జిరాక్స్ కాపీలు.
- బిజినెస్ అడ్రస్ ప్రూఫ్ (షాప్ లైసెన్స్, రెంట్ అగ్రిమెంట్, మున్సిపల్ ట్యాక్స్ రిసీట్ లేదా జిఎస్టి సర్టిఫికెట్).
- కేంద్ర ప్రభుత్వం జారీ చేసిన Udyam రిజిస్ట్రేషన్ సర్టిఫికెట్ కాపీ.
- గత 12 నెలల బిజినెస్ కరెంట్ అకౌంట్ స్టేట్మెంట్ (రన్నింగ్ పేజెస్ అన్నీ ఉండేలా చెక్ చేసుకోండి).
- గత 2 నుండి 3 సంవత్సరాల ఐటిఆర్ (ITR) కాపీలు మరియు ఆడిటర్ తయారు చేసిన బ్యాలెన్స్ షీట్.
- జిఎస్టి (GST) రిజిస్ట్రేషన్ ఉన్న వ్యాపారాలకైతే గత 6 నెలల జిఎస్టి రిటర్న్స్ కాపీలు.
- వివరమైన ప్రాజెక్ట్ రిపోర్ట్ (తీసుకునే లోన్ డబ్బులను వ్యాపారంలో ఏ విధంగా ఉపయోగించబోతున్నారు, భవిష్యత్తు రాబడి ఎంత ఉంటుంది అని తెలిపే నివేదిక).
ఈ MSME లోన్ డాక్యుమెంట్లు అన్నీ పక్కాగా ఉంచుకుంటే లోన్ అప్లికేషన్ తలనొప్పి సగం పోయినట్టే బ్రో. ఎందుకంటే సరియైన కాగితాలు చేతిలో ఉన్నప్పుడే MSME లోన్ అప్లికేషన్ ప్రాసెస్ ఎటువంటి దరిద్రాలు లేకుండా వేగంగా ముందుకు వెళ్ళిపోతుంది.
ఆన్లైన్ MSME లోన్ అప్లై చేసేటప్పుడు వచ్చే 3 పెద్ద తప్పులు
చాలామంది వ్యాపారులు త్వరగా రుణం పొందాలనే కంగారులో సరియైన అవగాహన లేకుండా ఆన్లైన్ MSME లోన్ అప్లై చేసేస్తుంటారు. దీనివల్ల లోన్ అప్లికేషన్ రిజెక్ట్ అయ్యే అవకాశాలు చాలా ఎక్కువ. దరఖాస్తుదారులు ప్రధానంగా చేసే మూడు పెద్ద తప్పులు ఇక్కడ ఉన్నాయి:
1. టర్నోవర్ మరియు బ్యాంక్ స్టేట్మెంట్ వ్యత్యాసాలు: మీ జిఎస్టి రిటర్న్స్లో చూపించిన వార్షిక అమ్మకాలకు, మీ బ్యాంక్ కరెంట్ అకౌంట్లో జమ అయిన అమౌంట్కు పొంతన లేకపోతే బ్యాంక్ ఆఫీసర్లకు తీవ్రమైన అనుమానం వస్తుంది. బ్యాంక్ స్టేట్మెంట్ లో ఆదా జమా చాలా తక్కువగా ఉండి, పేపర్ల మీద చూపించే ఆదాయం ఎక్కువగా ఉంటే బ్యాంకులు లోన్ ఇవ్వడానికి నిరాకరిస్తాయి.
2. నకిలీ రికార్డులు లేదా లెక్కలు పెంచి చూపించడం: లోన్ అమౌంట్ ఎక్కువ రావాలనే ఉద్దేశంతో కొందరు బ్యాంకర్ల ముందర పిచ్చి కబుర్లు చెప్తూ దొంగ బిల్లులు లేదా ఫేక్ ప్రాజెక్ట్ రిపోర్టులు ఇస్తుంటారు. బ్యాంక్ వెరిఫికేషన్ టీమ్ చెకింగ్ కి వచ్చినప్పుడు లేదా ఆడిటింగ్ చేసినప్పుడు ఈ విషయం బయటపడితే మీకు బొమ్మలు కనపడతాయి. అంతేకాకుండా ఆ బ్యాంక్ మిమ్మల్ని మొత్తంగానే బ్లాక్లిస్ట్లో పెట్టే ప్రమాదం ఉంది. ఇలాంటి తుప్పసి ఐడియాలు ఉంటే, అసలు నువ్వు లోన్ అప్లై చేయకపోవటం మంచిది.
3. సిబిల్ స్కోర్ చెక్ చేసుకోకుండా వరుసగా అప్లై చేయడం: పాత క్రెడిట్ కార్డ్ బిల్లులు లేదా ఇతర పర్సనల్ లోన్లు సరిగ్గా చెల్లించక సిబిల్ స్కోర్ తక్కువగా ఉన్నప్పుడు ప్రతి బ్యాంక్లో వరుసగా అప్లై చేయకూడదు. మీరు అప్లై చేసిన ప్రతిసారీ బ్యాంకులు మీ క్రెడిట్ రిపోర్ట్ను చెక్ చేస్తాయి. దీనివల్ల ఉన్న స్కోర్ కూడా మరింత పడిపోయి చివరికి ఎవడికీ చెప్పుకోలేక ఏడవాలి. బయట ఎవరిదో బోడి సలహా విని గుడ్డిగా ముందుకు వెళ్లకుండా, ముందే సిబిల్ చెక్ చేసుకుని లోపాలు సరిదిద్దుకోవాలి.
ఈ పొరపాట్లకు దూరంగా ఉంటే MSME లోన్ ఎలా అప్లై చేయాలి అన్న దానిపై క్లారిటీ రావడమే కాకుండా లోన్ త్వరగా మంజూరు అవుతుంది.
బ్యాంక్ MSME లోన్ స్టెప్స్: అప్లికేషన్ సబ్మిట్ చేసిన తర్వాత ఏం జరుగుతుంది?
మీరు ఆన్లైన్ పోర్టల్లో దరఖాస్తు పూర్తి చేసినా లేదా నేరుగా బ్యాంక్ బ్రాంచ్లో కాగితాలు ఇచ్చేసి, ఆ తర్వాత బ్యాంక్ లోపల జరిగే ప్రాసెస్ గురించి మీకు పూర్తి అవగాహన ఉండాలి. సరైన బ్యాంక్ MSME లోన్ స్టెప్స్ తెలిస్తే మీరు అనవసరమైన కంగారు పడాల్సిన అవసరం ఉండదు.
మొదటి దశలో బ్యాంక్ క్రెడిట్ మేనేజర్ మీ అప్లికేషన్ను, మీరు ఇచ్చిన ప్రతి పేపర్ను బాగా బాగా చెక్ చేస్తారు. మీ బిజినెస్ లాభాలు, ప్రతి నెలా ఉండే ఖర్చులు పోను లోన్ వాయిదా (EMI) సులభంగా కట్టగలరో లేదో లెక్కిస్తారు. ఇక్కడే ఒక 50% పనయిపోద్ది, ఇక్కడకాని గట్టెక్కేస్తే? మనపని అయ్యిపోయినట్టే బ్రో.
రెండో దశలో ఫీల్డ్ వెరిఫికేషన్ (Field Verification) జరుగుతుంది. బ్యాంక్ ప్రతినిధులు మీ షాపు, వర్క్షాప్ లేదా ఫ్యాక్టరీ ఉన్న ప్రదేశానికి నేరుగా వచ్చి తనిఖీ చేస్తారు. అక్కడ సరుకు నిల్వలు ఎంత ఉన్నాయి, వ్యాపారం నిజంగా నడుస్తోందా లేదా, పని చేసే సిబ్బంది వివరాలను చెక్ చేస్తారు. ఈ టైమ్లో ఏ చిన్న అనుమానం వచ్చినా లేదా మీరు సమర్పించిన అడ్రస్ ప్రూఫ్లతో తేడా అనిపిస్తే మొత్తం రచ్చ రంబోలా అవుతుంది. కొంపతీసి పక్కింటోళ్ల అడ్రస్ లేదా బాగా బలిసినోళ్ల అడ్రస్ ఇచ్చావనుకో? ఇంక నానోటితో నేను చెప్పనులే, నీకే అర్ధం అయ్యిపోద్ది బ్రో.
మూడో దశలో అధికారులు సంతృప్తి చెందితే బ్యాంక్ నుండి శాంక్షన్ లెటర్ (Sanction Letter) పంపుతారు (కక్కుర్తి పడి, వాళ్లకి ఏమైనా ముడుపులు చెల్లించి …. పని కానిచ్చేద్దాం అనుకుంటే? నీజీవితం నాశనం అవ్వటం ఖాయం. (ఆరోజులు పోయాయి అన్నియ్యా, ఇది NEW BHARAT అందులో లోన్ మొత్తం, వడ్డీ రేటు, రీపేమెంట్ కాలపరిమితి వివరాలు ఉంటాయి. మీరు ఆ నిబంధనలకు అంగీకరించి అగ్రిమెంట్ పత్రాలపై సంతకం చేస్తే, 24 నుండి 48 గంటల్లో లోన్ డబ్బులు నేరుగా మీ బ్యాంక్ అకౌంట్లో జమ అవుతాయి.
మొత్తం మీద MSME లోన్ అప్లికేషన్ ప్రాసెస్ ఆన్లైన్ ద్వారా అయితే 7 నుండి 10 రోజులు, బ్రాంచ్ ద్వారా అయితే 15 నుండి 20 రోజుల సమయం పడుతుంది. సరైన నిబంధనలను పాటిస్తూ MSME లోన్ ఎలా అప్లై చేయాలి అనే పద్ధతిని ఫాలో అయితే మీ బిజినెస్కి కావాల్సిన రుణాన్ని సులువుగా సాధించవచ్చు.
